අවසාන මල් පෙත්ත මත හාදු තියලා
සුදු පාට සමනල්ලු ආලෙන් බිඳී
මදහාස දැවටිච්ච තනුවෙන් වයන්නේ
රඟපාන බඹරින්දු ඉකිලන හැටී...
දුර ඈත සන්දියක පඬු පාට අහස යට
සමුගන්න මොහොතකට පෙර කී කවී
අද රෑට සාදයක රතු රෝස මල් අතර
මුමුණනා ගීතයට වැඩියෙන් වටී...
පැහැදෙනා රූ අතර සඟවනා රූ මතක
බර වැඩී නුඹෙ හිතට සැනසෙන් සකී
නුඹෙ නමින් හිර කෙරුව හදවතේ කොන්සතර
අද තවත් ඈ නමට මුණිවත රකී...
නිමිත්ත: "දිවිතුරා" ටෙලිනාට්‍යයෙන්
සිනාසෙන්නට නොහැකි නම් මා නොමැති සඳ අඳුරේ
මවාගත් සිත ස්නේහයෙන්
පෙළා නෙත් මදහාසයෙන්
පින්න කැකුලක් මුළා නොකරනු මැනවි ප්‍රිය සොඳුරේ
කිරීටය ළඟ සිනාසෙන ඇය කුමරියක විලසින්
නෙතේ සඟවන කඳුලු දිනයක මුදාහල විගසින්
ලොවේ සිව්කොන ඔබේ නම ළඟ උරණ වනු නොරිසින්
තබාගමි මම මගේ පෙම ඔබ නොපෙනෙනා තැනකින්
දරා සියොලඟ අනාමික පෙම නොවී ගිනි පුපුරක්
සරා සිහිනෙක ඔබේ අත ගිලිහෙන්න පෙර මොහොතක්
ඇගේ සුසුමක වැදී විසිවුනු සිනා මල් කැකුලක්
ඔබේ හිත තව මගේ ළඟ බව කියූවග රහසක්
පාර කියනා තාරකා එළි